റിഞ്ചു അച്ഛനോട് അഞ്ചു ചോദ്യങ്ങൾ.

ബഹുമാനപ്പെട്ട റിഞ്ചു അച്ഛൻ ക്രിസ്തീയ സ്നാനത്തെക്കുറിച്ചു ഇരുപത്തഞ്ചു ചോദ്യങ്ങൾ സോഷ്യൽ മീഡിയയിൽ കൂടി ചോദിക്കയുണ്ടായി അദ്ദേഹത്തി ന്റെ  ചോദ്യങ്ങൾക്കെല്ലാം പലരും വചനാടിസ്ഥാനത്തിൽ മറുപടി നൽകിയതുകൊണ്ടു ആ ചോദ്യങ്ങൾക്കു മറുപടി ഞാനിവിടെ കുറിക്കുന്നില്ല (ആവശ്യമെങ്കിൽ നൽകുന്നതാ ണ്) എന്നാൽ റിഞ്ചു അച്ഛനോട് അഞ്ചു ചോദ്യങ്ങൾ  ചോദിക്കു കയാണ് (ഒത്തിരി ചോദ്യങ്ങൾ ചോദിച്ചു അച്ഛനെ ഇപ്പോൾ ബുദ്ധിമുട്ടിക്കുന്നില്ല) മറുപടിയുണ്ടെങ്കിൽ നൽകുക. ഡാർവിന്റെ പരിണാമ സിദ്ധാന്തത്തിൽ നമുക്കിങ്ങിനെ അനുമാനിക്കാം എന്ന് പലയാവർത്തി പറഞ്ഞിട്ടുണ്ട് അച്ഛൻ പലപ്പോഴും പ്രസംഗമദ്ധ്യേ  എനിക്ക് മനസ്സിലായതിങ്ങനെയാണ്, ഞാൻ മനസിലാക്കിയി രിക്കുന്നതിങ്ങിനെയാണ് എന്ന് പറയുന്നത് കേട്ടിട്ടുണ്ട് എന്നാൽ ഈ ചോദ്യങ്ങൾക്കു അച്ഛനു മനസ്സിലായതി ന്റെയും,അച്ഛൻ മനസ്സിലാക്കി യതിന്റെയും വെളിച്ചത്തി ലല്ല വചനാടിസ്ഥാനത്തിലായിരിക്കണം മറുപടി നൽകേണ്ടത് എന്ന് വിനയപൂർവ്വം ഈ അവസരത്തിൽ ഓർപ്പിക്കട്ടെ. ചോദ്യങ്ങളും ഉത്തരങ്ങളും ജനം വിലയിരുത്തുകയും പഠിക്കുകയും ചെയ്യട്ടെ. 

സ്നാനത്തെക്കുറിച്ചുള്ള അച്ഛന്റെ പ്രഭാഷണത്തിൽ ശിശു സ്നാനം ശരിയാണെന്നു സ്ഥാപിക്കുവാൻ  പുതിയനിയമത്തിൽ സ്നാനമേറ്റ കുടുംബങ്ങളെക്കുറിച്ചു അച്ഛൻ വിവരിക്കുന്നുണ്ട് ലുദിയയുടെ കുടുംബം,കൊർന്നല്യോസിന്റെ കുടുംബം, കാരാഗൃഹപ്രമാണിയുടെ കുടുംബം...... ഇവരെല്ലാം സ്നാനമേറ്റപ്പോൾ കുട്ടികളും ഉണ്ടായിരുന്നു അതുകൊണ്ടു ശിശുക്കൾക്ക് മാമോദീസ നൽകാം എന്നും അത് അപ്പോസ്തലിക പിന്തുടർച്ചയാണെന്നും സമർത്ഥിക്കുവാൻ താൻ വിഫലശ്രമം നടത്തുന്നുണ്ട്. എല്ലാ കുടുംബത്തെയും പറഞ്ഞപ്പോൾ യൗസേഫിന്റെ കുടുംബത്തെയും, യിസ്രായേൽ മക്കളെയും  സൗകര്യപൂർവ്വം അച്ഛൻ വിട്ടുകളഞ്ഞ താണോ? അതോ മനസ്സിലാകാതെ പോയതാണോ? മനസ്സിലാകാതെ പോയതാണെങ്കിൽ (ഉൽപ്പത്തി 50:8 )യോസേഫിന്റെ കുടുംബം ഒക്കെയും അവന്റെ സഹോദരന്മാരും പിതൃഭവനവും അവനോടു കൂടെ പോയി തങ്ങളുടെ കുഞ്ഞുകുട്ടികളെയും ആടുമാടുകളെയും മാത്രം അവർ ഗോശെൻദേശത്തു വിട്ടേച്ചു പോയി രഥങ്ങളും കുതിരയാളുകളും അവനോടു കൂടെ പോയി  അപ്പോൾ കുടുംബം എന്നു പറയുമ്പോൾ രഥങ്ങളും കുതിരയാളുകളേയും ഉൾപ്പെടുത്തുമോ? അച്ഛൻ പറഞ്ഞതിന്റെ അടിസ്ഥാനത്തിൽ  രഥങ്ങളും കുതിരകളും സ്നാനമേൽക്കണോ? (പുറപ്പാട് 13: 18) യുദ്ധസന്നദ്ധരായി യിസ്രായേൽ മക്കൾ പുറപ്പെട്ടു എഴുതിയിരി ക്കുന്നു അച്ഛന്റെ വ്യക്ക്യാനമനുസരിച്ചാണെങ്കിൽ ജനിച്ച കുഞ്ഞു പോലും യുദ്ധ സന്നദ്ധരായി പുറപ്പെട്ടു എന്ന് ചിന്തിക്കേണ്ടി വരും. ഇരുപതു വയസ്സിനു മേൽപ്പോട്ടുള്ളവരെയാണ്   യോദ്ധാക്കളായി ബൈബിൾ പറയുന്നത് . സ്നാനം വിശ്വസിച്ചട്ടല്ലേ നടത്തേണ്ടത് ശിശുക്കളുടെ ചെവിയിൽ  വിശ്വാസ പ്രമാണം ചൊല്ലിക്കൊടു ത്താൽ ആ കുഞ്ഞിന്  യേശുവിന്റെ ജനം,മരണ, പുനരുദ്ധാനത്തെ ക്കുറിച്ചു  ബോധ്യം ഉണ്ടാകുമോ? ഏ.ഡി 1311 റാവന്ന സുന്നഹദോസി ലല്ലേ ശിശു സ്നാനം അംഗീകരിച്ചത് അതിനു മുൻപ് ശിശു സ്നാനം സഭ നടത്തിയിരുന്നില്ലല്ലോ? സ്നാനത്തെക്കുറിച്ചു പഠിക്കുമ്പോൾ പഠിപ്പിക്കുമ്പോൾ അച്ഛൻ മർക്കോസിന്റെ സുവിശേഷം മാത്രം വായിക്കാതെ കുറഞ്ഞത് റോമാ ലേഖനവും, ഗലാത്യ  ലേഖനം കൂടി വായിക്കുക. 

ചോദ്യം1 ) എന്നാൽ ഏതു പുരുഷന്റെയും തല ക്രിസ്തു,സ്ത്രീയുടെ തല പുരുഷൻ,ക്രിസ്തുവിന്റെ തല ദൈവം എന്ന് നിങ്ങൾ അറിയണം എന്ന് ഞാൻ ആഗ്രഹിക്കുന്നു മൂടുപടം എട്ടു പ്രാർത്ഥിക്കുകയും പ്രാർത്ഥിക്കുകയോ പ്രവചിക്കുകയോ ചെയ്യുന്ന ഏതു പുരുഷനും തന്റെ തലയെ അപമാനിക്കുന്നു (1 കൊരിന്ത്യർ 11 :3 ,4 ) ഈ വാക്യത്തിന്റെ അടിസ്ഥാനത്തിൽ തലയിൽ തൊപ്പിയോ,തുണിയോ (തിരുമേനിമാർ തലയിൽ ഇടുന്ന തുണിയാണ്  മസാനിപ്സ് ) തലയിൽ ഇട്ടു പ്രാർത്ഥിക്കുന്ന അച്ഛനും,തിരുമേനിമാരും,ബാവാമാരും ക്രിസ്തുവാകുന്ന തലയെ അപമാനിക്കുകയല്ലേ? 

ചോദ്യം 2) നിങ്ങൾ ദൈവത്തിന്റെ മന്ദിരം എന്നും ദൈവത്തിന്റെ ആത്മാവ് നിങ്ങളിൽ വസിക്കുന്നു എന്നും അറിയുന്നില്ലയോ ദൈവത്തിന്റെ മന്ദിരം നശിപ്പിക്കുന്നവനെ ദൈവം നശിപ്പിക്കും നാമാണ് ദൈവത്തിന്റെ മന്ദിരം എന്നും, രണ്ടോ മൂന്നോ പേര് യേശുക്രിസ്തുവിന്റെ നാമത്തിൽ കൂടിവരുന്നവരുടെ മധ്യത്തിൽ ഞാനുണ്ട് എന്നും ബൈബിളിൽ പറഞ്ഞിരിക്കെ പഴയ നിയമത്തിന്റെ മാതൃകയിൽ ആലയം പണിതു അതിൽ പ്രാർത്ഥന നടത്തി ആളുകളെ പറ്റിക്കുന്നതിന്റെ താത്പര്യമെന്തു ?  

ചോദ്യം 3) (പുറ30:22-25) യഹോവ പിന്നെയും മോശയോട് കല്പ്പിച്ചത് എന്തെന്നാൽ മേത്തരമായ സുഗന്ധ വര്ഗ്ഗമായി വിശുദ്ധ മന്ദിരത്തിലെ തൂക്കപ്രകാരം അഞ്ഞൂറ് ശേക്കൽ അയഞ്ഞ മൂരും അതിൽ പാതി   ഇരുന്നൂറ്റന്പതു ഷെക്കൽ സുഗന്ധ ലവൻഗവും അഞ്ഞൂറ് ഷെക്കൽ വഴനത്തൊലിയും ഒരു ഹീൻ ഒലിവെണ്ണയും എടുത്ത് തൈലക്കാരന്റെ വിദ്യ പ്രകാരം ചേർത്തുണ്ടാക്കിയ വിശുദ്ധമായ അഭിഷേക തൈലമാക്കണം.ഈ വാക്ക്യത്തിന്റെ ചുവടുപിടിച്ചു പല വർഷങ്ങളിൽ പല അരമനകളിൽ തിരുമേനിമാരും,പുരോഹിതന്മാരും ഒന്നിച്ചു കൂടിരുന്ന് ഇത് ഉണ്ടാക്കുകയും മറ്റു സ്ഥലങ്ങളിലേയ്ക്ക് കൊടുത്തു വിടുകയും ചെയ്തിട്ടുണ്ട് എന്നാൽ പുറപ്പാടുണ്  പുസ്തകത്തിൽ ആ അധ്യായത്തിൽ തന്നെ  അത് മനുഷ്യന്റെ ദേഹത്തിൽ ഒഴിക്കരുത് അതിന്റെ യോഗപ്രകാരം അതുപോലുള്ളത് നിങ്ങൾ ഉണ്ടാക്കുകയും അരുതു അതുപോലുള്ള തൈലം ഉണ്ടാക്കുന്നവനെയും അന്യനു കൊടുക്കുന്നവനെയും ജനത്തിൽ നിന്ന് ഛേദിച്ചു കളയണം എന്ന വാക്യം മറച്ചു വച്ച് ഇതുണ്ടാക്കി തട്ടിപ്പുകാട്ടുന്നതു തെറ്റല്ലേ? മൂറോൻ ഏഴു പ്രാവശ്യം ഇതുണ്ടാക്കിയിട്ടുണ്ട്.മുളന്തുരുത്തി1876,1911, പഴയസെമിനാരി 1932,1951 ദേവലോകം 1967,1977,1988ഈവർഷങ്ങളിൽ ഇവിടങ്ങളിൽ ഇതു ഉണ്ടാക്കപെട്ടു ഇതിനെ കുറിച്ച് അച്ഛന്റെ അഭിപ്രായം അറിഞ്ഞാൽ കൊള്ളാം.

ചോദ്യം 4) വിഗ്രഹങ്ങൾ ഉണ്ടാക്കരുത് അവയെ സേവിക്കരുത് എന്ന് പറഞ്ഞിരിക്കെ പള്ളികളിലെല്ലാം തന്നെ വിഗ്രഹങ്ങൾ കൊണ്ട് നിറഞ്ഞിരിക്കുകയാണ് പരുമല,മഞ്ഞനിക്കര കൊരട്ടി മുത്തി, ഗീവർഗ്ഗീസ് ,കന്യകാ മറിയം  തുടങ്ങിയ പുണ്യവാളന്മാരുടെ വിഗ്രഹങ്ങൾ ഉണ്ടാക്കി പള്ളിക്കകത്ത് വച്ച് അതിനെ ആരാധിക്കുവാൻ അനുവാദം കൊടുക്കുകയും ഞാനല്ലോ ഏക പരിശുദ്ധൻ, പരിശുദ്ധൻ എന്ന നാമം മറ്റൊരാളും എടുക്കരുത് എന്നും ബൈബിൾ പറയുന്നു പിന്നെ പരിശുദ്ധ മറിയ എന്നും പരിശുദ്ധന്മാർ എന്നും സംബോധന ചെയ്യുന്നതിലെ ന്യായം എന്ത്? 

ചോദ്യം 5) മനുഷ്യൻ പാപം ചെയ്‍താൽ ഏറ്റു പറയേണ്ടത് ദൈവത്തോടാണ്, മധ്യസ്ഥൻ യേശു ക്രിസ്തുവും പിന്നെ പള്ളികളിൽ കുമ്പസാരക്കൂടുണ്ടാക്കി പുരോഹിതന്മാരുടെ അടുക്കൽ സഭാ വിശ്വാസികളെ കൊണ്ട് കുമ്പസാരിപ്പിക്കുകയും,മറ്റു മധ്യസ്ഥ ന്മാരോടു പ്രാർത്ഥിക്കുകയും വേണം എന്ന് സഭയെ പഠിപ്പിച്ചു  അവരെ അടിമത്വത്തിൽ കുടുക്കുന്നപുരോഹിത വർഗ്ഗത്തിന്റെ  കൂർമ്മ ബുദ്ധിയിൽ അച്ഛന്റെ അഭിപ്രായം അറിഞ്ഞാൽ കൊള്ളാം. കത്തോലിക്കാ സഭ ഗീവർഗീസ് സഹദാ എന്നൊരാൾ   ജീവിച്ചി രുന്നിട്ടില്ല എന്ന് ബോദ്യമായപ്പോള്‍ ഗീവര്‍ഗീസിനെ പുണ്യവാളന്‍ സ്ഥാനത്തു നിന്ന് നീക്കി യോവാന്‍ ഓഫ് ആര്‍ക്കിനെ പുണ്യ വതിയാക്കി പ്രഖ്യാപിച്ചു. ഈ വിഷയം അച്ഛൻ പഠന വിധേയമാക്കിയിട്ടുണ്ടോ? ഗീവര്‍ഗീസ് സഹദാ ചരിത്രം പറയുന്നു .

നീ.വാ.ദി.മ.മ.ശ്രീ.ഇഗ്നാത്തിയോസ് പത്രോസ് പാത്രിയര്‍ക്കീസ് 1050-ആണ്ടില്‍ മലങ്ങര സഭാ സന്ദര്‍ശനത്തിന്റെ ഫലമായി പ്രസിദ്ധം ചെയ്ത പരസ്യ കല്പന.

1025 ആണ്ടിൽ വന്നതും മടങ്ങി പോയതുമായ അത്താനാസിയോസ് ബാവ ആലങ്ങാട്,വടക്കൻ പറവൂർ,കരിങ്ങാച്ചിറ,കണ്ടനാട്,മുളന്തുരുത്തി എന്നീ പള്ളികളിലെ ഖബറുകൾ തല്ലിപ്പൊളിച്ചിട്ടും സഭാമക്കൾ വീണ്ടും പണിതു കൊല്ലവർഷം 1032 ഇൽ വന്ന ഊർശലേമിലെ പാത്രിയാർക്കീസ് ബാവ വീണ്ടും തല്ലിപ്പൊളിച്ചു 1050 ആണ്ടിൽ വന്നതും 1876 ഇൽ ചിങ്ങം 15 നു മുളന്തുരുത്തി പള്ളിയിൽ വച്ച് മോറാൻ ഉണ്ടാക്കിയതും  പള്ളികളില്‍ ഓരോ പെരുന്നാളുകള്‍ക്ക് പുറജാതിക്കാരെപ്പോലെ സദ്യ കഴിക്കയും പല തിന്മപെട്ട പ്രവര്‍ത്തികളോടുകൂടെ സ്ലീബ ആഘോഷം എന്നപേരിൽ നഗരങ്ങളില്‍ ചുറ്റി നടക്കുകയും ഞായറാഴ്ച്ചകളിലും പെരുന്നാളുകളിലും ഇറച്ചി,മദ്യം മുതലായ മ്ലേച്ച ആചാരങ്ങള്‍ ഒരുക്കി പള്ളിയില്‍ വച്ചു നേർച്ച കഴിക്കുന്നതായി നാം കേള്‍ക്കുന്നു ഇങ്ങിനെ ചെയ്യുന്നവരെ സഭയ്ക്ക് പുറത്താക്കേണ്ടാതാ കുന്നു.  ദൈവാലയത്തെക്കാള്‍ പ്രധാന സ്ഥാനം മരിച്ചുപോയ പിതാക്കന്മാരുടെ നാമത്തിനു നല്‍കി അവരെ ആരാധിക്കുന്ന അവസ്ഥയിലേയ്ക്ക് അധപതിച്ചിരിക്കുന്നു ദൈവത്തെ അല്ലാതെ മറ്റാരെയും കുബിടുവാനോ നമസ്ക്കരിപ്പാനോ അധികാരം ഇല്ല. ഇനിമേല്‍ മരിച്ചുപോയ നിങ്ങളുടെ പിതാക്കന്മാരുടെ കബറില്‍ കുബിടുവാന്‍ നിങ്ങൾക്കധികാരം ഇല്ല, ദൈവം ഒരുവനാകുന്നു ദൈവത്തിനും മനുഷ്യ മക്കൾക്കും മധ്യസ്ഥനായി മിശിഹാ ഒരുവനാകുന്നു താൻ എല്ലാവരെയും രക്ഷിപ്പാനായിട്ടു തന്റെ ജീവനെ കൊടുത്തതുപോലെ നാമും മിശിഹായ്ക്കു സാദൃശ്യമാകേണ്ടതും നമ്മുടെ ആത്മാവ് കൊണ്ട് ജനത്തെ നേടേണ്ടതുമാകുന്നു (പേജ് 19 ) കുമ്പസാരത്തിനു പട്ടക്കാർക്കു പണം കൊടുത്തു വരുന്നതായി നാം അറിയുന്നു അത് തെറ്റായിട്ടുള്ള താകയാൽ മേലാൽ അങ്ങിനെ കൊടുക്കുന്നതും വാങ്ങുന്നതിനും അധികാരമില്ല (പേജ് 45) 1989-ല്‍ ആലുവ ത്രിക്കുന്നത്തു സെന്റ്‌ മേരിസ് സുറിയാനി പള്ളിയില്‍ നിന്നും പ്രസിദ്ധീകരിക്കുന്ന ഡയറിക്ടറിയില്‍ ഈ കല്പന ചേര്‍ത്തിട്ടുണ്ട് കേട്ട് അനുസരി ക്കുന്നവരുടെ മേല്‍ ദൈവത്തിന്റെ കൃപയും സമാധാനവും ഉണ്ടാകുമാറാകട്ടെ ആമീന്‍, പള്ളികളുടെ ശുദ്ധീകരണത്തിനായി  പ്രസിദ്ധം ചെയ്ത കല്‍പ്പനയുടെ ചുരുക്കരൂപം (ഒരു ചെറിയ ബുക്ക്‌ തന്നെയുണ്ട്‌ ). ആലുവ തൃക്കുന്നത്തു സെമിനാരി,ഉദയഗിരി സെമിനാരി ഇവിടെ നിന്ന് ഈ പുസ്തകം വാങ്ങി വായിക്കാവുന്ന താണ്.  ഈ കൽപ്പന നിങ്ങൾ അനുസരിക്കാത്തതിന്റെ ചേതോവികാരം എന്താണ്. 

അച്ഛന്റെ ചോദ്യങ്ങളെല്ലാം പെന്തക്കോസ്തുകാരോടാണ് എന്നു മനസ്സിലാക്കിക്കൊണ്ടു പറയട്ടെ വെറുതെ വായിൽ തോന്നുന്നത് വിളിച്ചു പറയുകയും വാപൊളിച്ചിരുന്നു കേൾക്കുന്നവരുമല്ല പെന്തക്കോസ്തുകാർ ചോദ്യങ്ങളും ഉത്തരങ്ങളും ദൈവ വചനത്തിൽ നിന്ന് തന്നെയാകണം എന്ന് നിർബന്ധ മുള്ളവരാണ് ഞങ്ങൾ. പെറ്റുവീണ സഭയോടുള്ള വെറുപ്പുകൊണ്ടല്ല മാർബിൾ കല്ലുകൾ പാകി മാനം മുട്ടെ ഉയർന്നു നിൽക്കുന്ന  ദൈവാലയവും മനോഹര വേഷവിധാനങ്ങൾ ധരിച്ച മെത്രാന്മാരെയും പട്ടക്കാരെയും  വിട്ടു ഓലമേഞ്ഞ,ഓടുപാകിയ ഞെരുക്കമുള്ള സഭാഹോളിലെ ഇഴപ്പായിൽ ഇരുന്നു   ആത്മാവിലും  സത്യത്തിലും ദൈവത്തെ ആരാധിക്കുവാൻ ഇറങ്ങിയത്. ദൈവ വചനവുമായി യാതൊരു ബന്ധവും പേരിനു പോലും അച്ഛൻ പ്രതിധാനം ചെയ്യുന്ന സഭയ്ക്കില്ലാത്തതുകൊണ്ടാണ്. അനവധി ബിരുദങ്ങൾ നേടിയിട്ടും  ഈ വിധ അനാചാരങ്ങൾ ആചരിക്കു വാന്‍ ജനത്തെ ആഹ്വാനം ചെയ്യുന്നതിൽ പുരോഹിത വർഗ്ഗത്തിനു യാതൊരു കുറ്റബോധവും ഇല്ലേ? ഉദയംപേരൂർ സുന്നഹദോസും,കൂനൻ കുരിശു സത്യവും ഇട്ടൂപ്പ് റൈറ്ററുടെ സഭാചരിത്രവും അച്ഛൻ പഠന വിധേയമാക്കുമെന്നു കരുതട്ടെ. (റിഞ്ചു അച്ഛനു എല്ലാ ബഹുമാനവും നൽകിക്കൊണ്ട് പറയട്ടെ അച്ഛൻ ഗോപാലകൃഷ്ണൻ സാറിനു നൽകിയ മറുപടി വളരെ നന്നായിരുന്നു.)